灣仔越南菜

喺灣仔要搵野食 上Openrice搵下有冇推介 見到依間Tam Viet既越南餐廳都好多好評，又近地鐵站A1出口。一於就佢啦。 星期日下午茶時段 都有三四枱客人 間餐廳唔算大 細細間咁 我見隔離枱韓國人點左2碗生牛肉河 我都點左碗 同行友人點左豬頸肉撈檬 飲品 熱青桔仔茶 同 百香果薄荷 飲品先到。杯青桔仔茶依濃茶底 有啲苦 唔啱我；百香果薄荷其實幾好飲 香 唔酸 微甜，奈何佢係梳打水底 我本人飲唔到任何既有汽飲品😅。結果兩杯都朋友飲既。 生牛肉河粉：份量都大碗，湯底好好飲，河粉湯，牛肉都多，仲有啲生洋蔥、芽菜咁。整體來說，越南牛肉河黎講佢偏清淡口味。個湯如有可以再熱啲，咁牛肉就可以快啲食得。對我來說：不錯，但未必會為左個牛肉河，特意黎食。 豬頸肉撈檬：豬頸肉煎都好香，偏肥既豬頸肉，配搭清新既撈檬，好夾。但單食撈檬，朋友話冇咩味，要自己加醬料（可能佢預左食客會加醬？）朋友話：不錯，但未必會特意黎食。😂 大家如果去開灣仔，唔知食咩好，都可以考慮下食依間。 #社群兩歲生日快樂#生活足跡